La poesia, opera del poeta Pino Minniti, è dedicata a tutti i limpidesi sparsi per il mondo.
Il componimento è stato messo in video da Michelangelo Natale.

Lu mio cuari ciangia lacrimi d'amuri e io priagu sempe, mio Caru Signuri.

Di 'sta Terra mia bella e dannata
non fare finta ca ta si scordata!
  Guardala cu 'n' uacchju di benevolenza,
  mai tanta misiaria cu tant' ignoranza.
Pigghjati tutta quanta la cazzuneria
e lu sangu amaru dassamillu a mia!
  L' orgogliu e 'sta bejizza dassandilli;
  strafuttenza e pregiudizi pigghjatilli!

Lu mio cuari ciangia lacrimi d'amuri e io priagu sempe, mio Caru Signuri.

La hacisti e tanta cura 'nci mentisti,
mò, vinne lu tiampu chi ti pentisti.
  Fuarzi fuarzi lu stai faciandu apposta
  pemmu ndi duni 'na bella batosta!
Truappu lu hjàtu chi, secundu mia, mentisti!
Truappu 'ncazzusi e arragiatizzi ndi hacisti!
  È buanu ca puru tu ti riendi cuntu
  ca fa male assai 'stu risentimiantu!

Lu mio cuari ciangia lacrimi d'amuri e io priagu sempe, mio Caru Signuri.

'Sta bella Terra non l' abbandunare
e lu culuri di lu mare non cangiare.
  Fai 'mu si sente 'nu hjávuru i giardinu
  cu 'nu profumu i hjúri i rosa finu finu.
Guarda e vidi ca "'ncunu" vole 'mu 'nd' allorda;
mandanci 'na benediziuani ca mai si la scorda!
  Di tiasti tuasti 'nda facisti a non finire
  e li sacciututtio no' si 'nda vuannu jire.

Lu mio cuari ciangia lacrimi d'amuri e io priagu sempe, mio Caru Signuri.

Assettati, haju ancora 'mu ti cuntu;
priastu priastu arrivamu a 'lu puntu!
  Di 'stí grand'omani chi cuntanu,
  li stampi fatti, duve si trovanu?
Io crijiu ca li facisti a' storta,
pecchí cca, nujiu li supporta!
  Minchjuna 'ndavimu in abbundanza,
  di chisti non sentimu la mancanza!

Lu mio cuari ciangia lacrimi d'amuri e io priagu sempe, mio Caru Signuri.

Passamu a cuasi assai importanti!
'Na vota, di buan'uacchju li briganti,
  mò, quandu la malavita ciunca,
  lu cuari mio, cridimi, si scianca.
Castigu cchjú duru no' 'ndi potivi dare,
la muarti no' si pò mai accarizzare!
  Cu tutti 'stí diavuli la partita la perdisti,
  e chist' amara penitenza 'ndi dassasti!

Lu mio cuari ciangia lacrimi d'amuri e io priagu sempe, mio Caru Signuri.

'Nta lu mundu ndi sperdisti!
Pane duru, mangiare ndi facisti!
  Alli sventurati nui 'nci damu 'na speranza
  pecchí sapimu chi significa sufferenza!
Ogni ntantu, di jocassùpa, porgiandi 'na manu!
Riuscimu 'u 'ndì ripigghjamu chjanu chjanu?
  Lu gaju, la matina, sempe canta,
  amaru cu non vole 'mu lu senta!

Lu mio cuari ciangia lacrimi d'amuri e io priagu sempe, mio Caru Signuri.
Priagu pe tia, cara Terra mia!

Giovanni Luzzi
Questo indirizzo email è protetto dagli spambots. È necessario abilitare JavaScript per vederlo.

 Hurri ca hurri ca passa la Zzita,
 Passa la Higghjia di lu Mulinaru!
Signora di li Truaji e Gran Puttana,
zzoppa, guercia, storta e puru nana!
Tutta di jancu ti si allicchettata,
non di sita, ma di farina arrobbata!
 Hurri ca hurri ca passa la Zzita,
 Passa la Higghjia di lu Mulinaru!
Supa a lu carru si bell’acconzata,
cu lampi e truani accumpagnata!
Tutti scazi e di haccetta armati,
puru li diavuli sugnu appostati!
 Hurri ca hurri ca passa la Zzita,
 Passa la Higghjia di lu Mulinaru!
Sup’ a ‘stu carru ‘nfocatu di guai,
si prena di siarpi e no’ sgravi mai!
‘Nci su puru li jerjiani briganti,
cu spiti, gravigghja e tridianti!
 Hurri ca hurri ca passa la Zzita,
 Passa la Higghjia di lu Mulinaru!
‘Nc’è puru nu prevati rugnusu,
cu ‘nu pisciaturi fetusu fetusu!
‘N’ortulanu, tamarru e ‘ncitrolatu,
grida e jestima cu tuttu lu hjiatu!
 Hurri ca hurri ca passa la Zzita,
 Passa la Higghjia di lu Mulinaru!
Tutti chist’animi stuarti e ignudi,
ciangianu lacrimi di fuacu crudi!
Cu l’uacchji di fora e la lingua pistata:
Viarmi! Strisciati supa a’ vava ‘nfocata!
 Hurri ca hurri ca passa la Zzita,
 Passa la Higghjia di lu Mulinaru!
‘Sti mangiati di li cane non su mai cuntianti,
vannu jestimandu a Dio ed a tutti li Santi!
Brutti e dannati gridandu preganu,
l’uacchji pe’ sempe ‘mu si chjiudanu!
 Hurri ca hurri ca passa la Zzita,
 Passa la Higghjia di lu Mulinaru!
Cu li brutti culuri di lu piditu stampati,
vue ‘mu ti guardanu tutti schiantati!
La stumaragghjia si vide assai lucianti,
di Mahammetta discipula sapianti!
 Hurri ca hurri ca passa la Zzita,
 Passa la Higghjia di lu Mulinaru!
Stringiandu la haci e cuntandu l’uri,
cu li cristiani fai ‘mbruagghji sicuri!
La trumba di lu culu sona senza grazia
‘n’aria ‘nfernale d’eterna disgrazia!
 Hurri ca hurri ca passa la Zzita,
 Passa la Higghjia di lu Mulinaru!
‘Nta lu tue cùari la vipera s’annida,
mai dasti riparu sutt’ ’a ciaramida!
Sgravasti senza sfuarzu li sette vizi,
cuntandu a tutti ca sugnu belli sfizi!
 Hurri ca hurri ca passa la Zzita,
 Passa la Higghjia di lu Mulinaru!
Di lupa e di dragu higghjia maleditta,
‘nta lu mundu hacisti sempe minditta!
Lu godimiantu tue è lu tradimiantu,
a nujiu mai serviu lu juramiantu!
 Hurri ca hurri ca passa la Zzita,
 Passa la Higghjia di lu Mulinaru!
Promentisti sempe a tutti vita ‘mbiata,
ma di sventura e disgrazia s’indotata!
Rianditi cuntu ca la minzogna,
ti jetta sempe ‘nta la fogna!
 Hurri ca hurri ca passa la Zzita,
 Passa la Higghjia di lu Mulinaru!
Puru di lu ‘mpiarnu tu si la Gran Rigina,
quant’omani futtisti cu scummisa fina?
Passati su’ li tiampi di l’innocenza,
di li verginiaji, mò, facimu senza!
 Hurri ca hurri ca passa la Zzita,
 Passa la Higghjia di lu Mulinaru!
Mo’, mi jhiuacu la parola chi mi resta!
Tu marcia ‘mpaci e senza hare hesta!
Quandu, di luntanu arrivi spedita,
è ciartu ca Tu giri pagina alla vita!
Spiaru ca Tu si prena di carità e d’amuri,
e che quandu Tu arrivi no’ puarti doluri!
Non cchjiù higghjiola bella la mia Zzita,
ma Tu, Spiritu Santu, mi sarvi la Vita!
 Hurri ca hurri ca passa la Zzita,
 Passa la Higghjia di lu Mulinaru!
 Tutta di janca sita vestuta!

Breve nota biografica dell’autore

Fabio Strinati ( Esanatoglia 1983 ) Poeta, artista visivo, compositore e fotografo.

Strinati è presente in diverse riviste ed antologie letterarie. Da ricordare Il Segnale, rivista letteraria fondata a Milano dal poeta Lelio Scanavini. La rivista Sìlarus fondata da Italo Rocco. La rivista letteraria e culturale italo-ungherese, Osservatorio Letterario - Ferrara e L’Altrove. La rivista Erba d’Arno diretta da Aldemaro Toni. La rivista Il Grandevetro. È stato inserito da Laura Margherita Volante nel volume “ Ti sogno, Terra ”, viaggio alla scoperta di Arte Bellezza Scienza e Civiltà, inserito nei Quaderni Del Consiglio Regionale delle Marche.

Scrive regolarmente testi poetici per Etnie, rivista di culture minoritarie.

Sue poesie sono state tradotte in romeno e in spagnolo.

Acquaro

Cupole cucchiai di nuvole
si mescolano al vento
nuotano le ombre
tra i pini e gli abeti
alberi verdi di un gradevole
aspetto il portamento
atletico di selvatica natura;
ossigeno ruscelli gorgoglianti
al volto chiaro oligominerale,
si accorpano le ore, transitano
forme vaghe di scatti e suoni
ai bordi del Nettuno
la fontana come incantevole
la cura.