-Donna Mariantuania bongiorno!
Allura, c'aju pemmu vi fazzu oje?
Ma vui, sempe lu stiassu puzzuniattu mi portati?
Chistu, oramai, este buano sulu 'mu chjantati 'u petrusinu!
Este tuttu cunzumatu, cuamu la sola di li scarpi mia!
Li manici, a furia pemmu saldu, si ridduciru a dui muzzuni!
Lu stagnu, ccà, non sacciu cchjiù duv'aju 'mu lu miantu!
Ccà spenditi sulu sordi!
Sentiti a mia, cangiativillu cû chista coddareja nova nova!
Mi meravigghju di vui chi siti puru 'na majistra!
Pezza ca ti ripezza, quandu all'urtimu, nescia 'n'emerita schifezza!
Puru vui lu diciti: duve orditu non c'è, no' nci po' essere mancu trama!
Lu viditi 'stu pistuni?
Batti ca ti ribatti, este tuttu cunzumatu!
Cchjù la rami è vecchia e cchjù si pista!
-Aviti ragiuni Mastru Nicola! Lu niru di li vrasi non appara li pertusa!

Giovanni Luzzi

Dedicata a Sandro Rottura -'u figghju da Majistra- per il suo compleanno.
Ad maiora